Allama Iqbal Urdu Poetry

Allama Iqbal Urdu Poetry

Allama Iqbal Urdu Poetry

Read Allama Iqbal Urdu Poetry online and share Allama Iqbal Poetry with friends, download free Allama Urdu Poetry share on Twitter and Facebook and other social network media. Best Allama Iqbal Urdu Poetry on our website.

Allama Iqbal Urdu Poetry


 

Tere ishq ki intaha chahta hun,
Meri sadgi dekh kya chahta hun..

Sitam ho kay ho wada-e-behijabi,
Koi bat sabar’azma chahta hun,

Ye jannat mubarak rahay zahidon ko,
Kay main aap ka samna chahta hun..

Koi dam ka mehman hun aye ahl-e-mahfil,
Chirag-e-sahar hun bujha chahta hun..

Bhari bazam mein raz ki bat keh di,
Bara be’adab hun saza chahta hun…

 


 

Muhabbt ki tamna hai to phir wo wasf paida kar,
Jahan say ishq chalta hai wahan tak naam paida kar..

Agar satcha hai ishq main tu aay bani Adam
Nighah-e-ishq paida kar,..

Main tujh ko tujh say ziada chahun ga
Magr shart ye hai kay apny andar justju tou paida kar…

Agr na badlu teri khatir har ek cheez to kehna,
Tu apny aap main phaily andaaz-e-wafa tou paide kar…

 


 

Jinhen main dhoondta tha asmanon mein zameenon main,
Woh nikle mere zulmat khana-e-dil kay makeenon main..

Kabhi apna bhi nazaara kiya hai tu nay aye majnoon,
Kay laila ki tarah tu bhi hai mehmil-nasheenon main..

Mahine wasal kay ghariyon ki surat urtay jaaty hain,
Magar ghariyan judai ki guzarti hain mahino main..

Mujhe roke ga tu aye na’khuda kya gharaq honay say,
Kay jin ko doobna ho, doob jatay hain safeenon main..

Jala sakti hai shama-e-kushta ko mauj-e-naffas in ki,
Elahi! Kya chupa hota hai ehl-e-dil ke seino main..

Na puch in kharqa poshon ki iradat ho to dekh in ko,
Yad-e-baiza liye baithay hain apni astino main..

Kisi aisay sharar say phoonk apne kharman-e-dil ko,
Ke khurshid-e-qayamat bhi ho tere khoshaa-cheeno main..

Mohabat kay liay dil dhoond koi tootnay wala,
Ye woh mai hai jisay rakhtay hain nazuk aabgeeno main..

Saraapa husn ban jata hai jis ke husan ka ashiq,
Bhala aye dil haseen aisa bhi hai koi haseeno main..

Numayan ho kay dikhla day kabhi in ko jamaal apna,
Bohat muddat say charche hain tere bareek bieno main..

Khamosh aye dil, bhari mehfil mein chilaana nahin acha,
Adab pehla qareena hai mohabat ke qareeno main..

Bura samajhun inhe mujh say to aesa ho nahin sakta,
Ke main khud bhi to hun IQBAL apnay nukta-cheeno main….

  •  
  •  
  •  
  •  
  •  
  •  

Leave a Reply

Be the First to Comment!

Notify of
avatar
wpDiscuz